የኬንያው ተመራጭ ፕሬዝዳንት ኡሁሩ ኬንያታ ክስ እንዲቋረጥ ግፊት ሊደረግ ነው
የኬንያው ተመራጭ ፕሬዝዳንት ኡሁሩ ኬንያታ ጠበቆች አለም አቀፉ የወንጀለኞች ፍርድ ቤት የደንበኛቸውን ክስ እንዲያቋርጥ ግፊት ሊያደርጉ ነው።
ከ5 ዓመት በፊት በተደረገው የኬንያ ምርጫ በተቀሰቀሰው ብጥብጥ ኴንያታ አሉበት በሚል ፍርድ ቤቱ በኢ- ስብዓዊ ድርጊት ከሷቸዋል።
ክሱ ተጨባጭ ማስረጃ የሌለው በመሆኑ ውድቅ እንዲደረግ አሊያም እንዲራዘም ነው የተመራጩ ፕሬዝዳንት ጠበቆች የጠየቁት። ባለፉት 10 ዓመታት ከከፈታቸው በርካታ ፋይሎች አንዱን ብቻ የረታው አለም አቀፉ ፍርድ ቤትም አወዛጋቢ እየሆነ መምጣቱን ነው የሮይተርስ ዘገባ የሚያሳየው ። ከኬንያታ ጋር የተከሰሱት የቀድሞው ሲቪል ሰርቪስ ሚኒስትር ፍራንሲስ ሙቶራ ፋይል መዘጋቱ የኬንያታን ክስ ውደቅ ለማድረግ ይረዳል እያሉ ነው ጠበቆቹ።
No comments:
Post a Comment