የዊዝ ኪድስ ኢትዮጵያና የ"ጸሐይ መማር ትወዳለች" የህጻናት የቴሌቪዥን ፕሮግራም መስራች ብሩክታይት ጥጋቡ የ2014 የትሬምፕሊን ሽልማት አሸናፊ ሆነች፡፡ የዊዝ ኪድስ ወርክሾፕ መስራችና ስራ አስኪያጅ የሆነችው ብሩክታይት ጥጋቡ በማህበራዊ ዘርፍ የተሰማሩ የቢዝነስ ፕሮጀክቶችን የሚያበረታታው የ2014ቱን የትሬምፕሊን ሽልማት መሸለሟ ታውቋል፡፡ ከዩኔስኮ ጋር በትብብር የሚሰጠው ይህ ሽልማት የ10 000 ዶላር የገንዘብ ሽልማት፣ የአንድ አመት የዓለማቀፍ የማማከር ድጋፍ እንዲሁም የሚዲያ ሽፋን ማግኘትን የሚያካትት ነው ተብሏል፡፡
የብሩክታይት ስራ የሆነው "ፀሐይ መማር ትወዳለች" አስተማሪ የሕጻናት የቴሊቪዥን ፕሮግራም ከቴሌቪዥንም በተጨማሪ ከትምህርት ቤቶች እስከ ስደተኞች ጣቢያ ድረስ በአማካይ 5 ሚሊየን ሕጻናት አይተውታል ተብሎ ይገመታል፡፡ ይህ "ፀሐይ መማር ትወዳለች" የተባለው ትምህርታዊ ፕሮግራም የጃፓኑን International
Contest for Education Media፣ እ.አ.አ በ2008 ደግሞ Next Generation Prize at Prix Jeunesse International እንዲሁም በ2011 የማይክሮሶፍትን Microsoft Education Award አሸንፏል፡፡ ብሩክታይት በ2010 የሮሌክስ ወጣት ሌሬትም ተብላ መሰየሟም ይታወሳል፡፡
No comments:
Post a Comment