አዲስ ባለ አምስት ኮከብ ሆቴል ኢንዱስትሪውን ተቀላቀለ

 በአዲስ አበባ ከ700 መቶ ሚሊዮን ብር በላይ ወጪ የተደረገበት ኢሊሊ ኢንተርናሽናል ባለ አምስት ኮከብ ሆቴል ተመረቀ። ከፍተኛ ቴክኖሎጂዎች እንደተገጠሙለት የተነገረለት ይህ ባለ አስር ፎቅ ሆቴልን ገንብቶ ለማጠናቀቅ አምሰት ዓመታትን ፈጅቷል።

  ሆቴሉ እስከ 700 ያህል ሰዎችን ሊያስተናግዱ የሚችሉ 7 የመሰብሰቢያ አዳራሾች፣ አምስት ሬስቶራንቶች፣ የመዋኛ ገንዳና ደረጃቸውን የጠበቁ የመኝታ ክፍሎችን ይዟል። በምረቃው ላይ የተገኙት የአዲስ አበባ ከተማ አስተዳደር ከንቲባ አቶ ድሪባ ኩማ፥ ከተማዋ ያለባትን ዓለም አቀፍ ደረጃውን የጠበቀ ሆቴል እጥረት በመቅረፍ በኩል አስተዋፅኦ እንደሚኖረው ተናግረዋል። ሆቴሉ ለ350 ሰዎች ቋሚ የስራ እድል ይፈጥራል።